Јавното Претпријатие Водовод и канализација – Скопје ќе потроши неверојатни 1.5 милиони денари за подобрување на својот имиџ во јавноста.
Имено скопски водовод објаву оглас во кој се бара услуга од маркетинг агенција која за 1.537.000 ќе го води ПР-от на претпријатието. Огласот е објавен на веб страницата на Бирото за јавни набавки, а според спецификациите во огласот, маркетинг агенцијата која ќе го добие тендерот ќе има за цел осмислување и развој на комуникациски маркетинг и ПР-стратегија за подобрување на имиџот на претпријатието. Покрај тоа маркетинг агенцијата за потребите на Водовод ќе треба да креира медиа листа на медиуми на кои ќе им се испраќаат соопштенија, интервјуа итн.