На денешната расправа на Комисијата за финансирање на буџет имаше обраќање пратеничката од редовите на ВМРО ДПМНЕ Лилјана Кузмановска.
Кузмановска кажа дека буџетот не е економски оправдан и дека е непотребно напумпан. Таа истакна дека буџетот не е искрен и не е во функција на граѓаните. Понатаму пратеничката кажа дека Владата секоја година се повеќе ги влошува економските услови во земјата.
„ Заедно со вашата Влада ја водите економијата по најлош можен пат на економски план. Вие ги влошувате економските услови во Македонија секоја година. Не постои поцрно сценарио за економијата и за граѓаните во Република Македонија од ова. Буџетот не е економски оправдан и е неоправдано напумпан.“- кажа Кузмановска.
Пратеничката потенцираше дека на ваков начин при првиот ребаланс Владата ќе ги стопира сите капитални инвестиции што би било погубно за економијата.