Лoкaлизиpaни ce пoжapитe вo Кочанско пo пaлeњeтo нa cтpништaтa и cлaмaтa вo пoлињaтa

Поврзано

- Advertisement -
- Advertisement -

Локализирани се пожарите на неколку локации во полскиот регион во Кочанско, што во текот на изминатата ноќ се закануваа да предизвикаат поголема материјална штета.

Територијалната противпожарна единица од Кочани, во полн состав и со целокупната расположива механизација и опрема, помогната од колегите од Виница и Штип, успеа да ги изгасне пламените јазици што стигнаа до селата Прибачево, Грдовци, Подлог и Чифлик, но и до самиот град.

-Нашите пожарникари на терен беа во изминатите 24 часа, а во текот на ноќта имавме две дежурни екипи на најкритичнте места. Палењето на стрништата и на оризовата слама на нивите, помогнато од силниот ветер придонесе огнот брзо да се прошири кон населените места. Најкритично беше во селото Грдовци, каде го евакуиравме месното население од околу сто куќи, а огнот практично навлезе во некои од дворовите. Исто така, голема опасност предизвика пожарот во близина на една од бензинските пумпи на влезот во Кочани, каде пламенот беше на само петнаесетина метри од објектот, но со ефикасна интервенција го спречивме ширењето. Интервениравме и на други локации што поради специфичноста на теренот се тешко пристапни за противпожарните возила и успеавме состојбата да ја ставиме под контрола, истакна Благој Паунов, командир на Територијалната противпожарна единица од Кочани.

Пожарникарите во текот на ноќта беа во заштита на стопанските објекти во западната индустриската зона на Кочани, а вработени и механизација на комуналното претпријатие „Водовод” се вклучија во заштитата на пречистителната станица за отпадни води, во која се проиизведува метан.

Во текот на вечерните часови на терен имаше и претставници од Државниот инспекторат за животна средина (ДИЖС), од Одделението за внатрешни работи, како и од локалната самоуправа на Кочани. Директорката на ДИЖС, Ана Петровска истакна дека со помош на катастарските планови детектирани се парцелите од кои потекнува пожарот и нивните сопственици експресно ќе бидат казнети.

Градоначалникот на Кочани, Никоилчо Илијев ги повика земјоделците да престанат со палењето на стрништата и сламата за да се спречи опасноста од материјална штета, но и да не се загадува воздухот во регионот.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This