Последниот извештај на „Транспаренси Интернешнл“ ја става Македонија во друштво со земјите од „третиот свет“, поточно зад Замбија, Етиопија, Гвајана, Шри Ланка, Танзанија кога станува збор за нивото на корупција во земјата
Македонија се најде на дното на листата на најкорумпирани земји во светот, откако истражувањето на „Транспаренси интернешнл“ ја оцени Македонија послабо од земјите од „третиот свет“.
Имено, земјава е на историски најниското 112-то место по корупција во светот, заедно со Етиопија, Виетнам и Филипините. Подобри од нас се Замбија, Гвајана, Шри Ланка, Танзанија. 
Во регионот, Македонија е на дното на листата, а со подобри резултати од нас се Косово, Босна и Херцеговина, Србија, додека Црна Гора го завзема лидерското место со најдобри оценки. 
Водечка во спречувањето на корупцијата во Европа, очекувано, е Данска додека во светски рамки најдобро поминуваат граѓаните на Нов Зеланд.
Македонија за една година, на индексот на корупција паднала за неверојатни 50 места, односно од доаѓањето на новата власт предводена од СДСМ и Зоран Заев, земјата е корупциски рај.