Македонската фудбалска репрезентација утре против Холандија ќе го одигра последниот натпревар на ЕУРО 2020.
Поради Ковид-19 протоколите и одлуки на властите во Холандија, навивачите од Македонија не се во можност да бидат во Амстердам, но затоа таму се нашите иселеници кои повикуваат на завршен поздрав.
-Понеделник го играме последениот натпревар со Холандија во Амстердам. Да прославиме на начин кој ние знаеме заедно со песна и дружба како што доликува. Збирно место : Grolsch Cine Café Johan Cruijff Boulevard 598, 1101 DS Amsterdam. Локацијата е во близина на самиот стадион, се собираме помеѓу 12:00 -12:30 часот на самиот ден на натреварот. Дојдете да уживаме заедно во успехот што го постигнавме, Македонија наша гордост светска, стои во пораката од навивачите.
