Францускиот претседател Емануел Макрон денеска ја повика администрацијата на американскиот претседател Џо Бајден да се откаже од ограничувањата за извоз на вакцини против Ковид-19 и компонентите за нивно производство.
Обраќајќи се на самитот на Европската унија во Португалија, тој рече дека богатите земји мора да го споделат својот капацитет за вакцини и на тој начин да им помогнат на помалку развиените земји.
Макрон исто така рече дека светот со вакцините против Ковид-19 може да се обиде да стори нешто слично на она што беше направено пред повеќе години со лековите за ХИВ, кога беа прескапи за сиромашните нации.