Mинистерот за правда, Бојан Маричиќ изјави дека целосно стои позади премиерот Заев и неговите искрени намери во отворање на патот за почеток на преговорите со ЕУ.
„Ова е уште еден дополнителен екстра напор за движење на нашата земја во иднина. Процесот не е едноставен, ниту лесен. Премиерот дообјасни многу од неговите ставовите вчера, во кој што јасно и недвосмислено кажа дека ние можеме да разговараме за многу прашања со Бугарија и тоа го правиме“, рече Маричиќ во гостувањето на емисијата „Еурофокус“ на ТВ Телма.
Тој го кажа претходниот став на Владата дека македонскиот јазик и идентитет не се на маса за разговарање, a при тоа не се ни огради од ставовите на премиерот дека тоа било „само администрирање“ во Македонија.