Лидерот на Демократската партија на Албанците, Мендух Тачи, вечерва на фејсбук објави дека поднел неотповиклива оставка од функцијата.
„Драги пријатели, тукушто поднесов неотповиклива оставка од функцијата претседател на Демократската партија, во Управниот совет на ДПА. Со Демократската партија на Албанците колективно ќе раководи Управниот совет до вонредниот конгрес, а датумот на неговото одржување допрва ќе биде определен. За координатор на сите активности е назначен генералниот секретар господинот Азем Садику…“, напиша Тачи на својата фејсбук-страница.