Најголемата опозициска партија, СДСМ, во кампањата за претстојните парламентарни избори на митинзите ќе се обраќа и на албански јазик во мешаните и средините со мнозинско албанско население, открива за „Дневник“ висок функционер на СДСМ.
Весникот пишува дека на митинзите на опозициската партија, Мухамед Зекири и Едмонд Адеми, кои Заев си ги вработи во партија, од говорница на јавноста ќе и се обраќаат на албански јазик.
-Ова ќе биде првпат во 25 години плурална Македонија македонска партија да држи митинзи и на албански јазик. Од досегашната пракса на изборни кампањи бевме сведоци дека македонски партии го користеле албанскиот јазик со намера да придобијат гласачи-Албанци, но само преку пропаганден материјал и билборди или со две-три реченици на албански јазик за да бидат поздравени граѓаните, односно повеќе куртоазно, пишува весникот.
Поопширно во печатеното или во електронското издание на ДНЕВНИК.