Утрово, по 3 часот по полноќ, по неколку часовна расправа на пратениците, Собранието со 62 гласа „За“ и 26 „Против“ го прифати предлогот на техничкиот премиер Оливер Спасовски за разрешување на Рашела Мизрахи од ресорот труд и социјална политика, поради одбивање да ја промени таблата на која стои името Република Македонија.
Дисидентите! Зошто? Затоа што ја сакаат мајка Македонија!, порача претседателот на ВМРО-ДПМНЕ Христијан Мицкоски, под фотографијата со Мизрахи.
Пред пратениците Мизрахи порача дека ѝ претставуваше посебна чест и задоволство да им служи на граѓаните.
Јас сум Рашела Мизрахи горда Еврејка од Македонија, кажа во својот говор во Собранието министерката Мизрахи.
