Дипломатско-конзуларните преставништва на Република Македонија во Грција преку социјалните мрежи благовремено упатија апел до државјаните на Македонија за претпазливост при патување или престој во Грција заради ситуацијата со пожарите, а при евентуална потреба да ги контактираат Амбасадата на Македонија во Атина (+ 30 694 52 82 251, +30 695 51 91 321, +30 694 47 43 071,+30 210 67 49 585) и Генералниот конзулат во Солун (+30 698 72 00 410).
-Информираме дека досега ниту еден наш државјанин не барал помош. Во грчкиот остров, Евија се наоѓа еден државјанин на Република Македонија и истиот е далеку од ризичната зона, а другите државјани беа евакуирани од ризичните во безбедни локации, во недела, 8-ми август.
Hашите претставништва во Грција се во континуирана комуникација со надлежните грчки институции и за сите добиени информации навремено ќе виде запознаена нашата јавност, велат од македонското МНР.
