Жозе Мурињо го коментираше вечерашното „Ел Класико“ во студиото на „БеИН“, а покрај останатите детали за кои говореше, посвети внимание и на акцијата по која Барселона го постигна единствениот гол за победа, чиј реализатор беше Иван Ракитиќ.
Според поранешниот тренер на Реал Мадрид, одбранбените фудбалери на домаќинот покажале слаба координација, а не се работело за индивидуална грешка. Мурињо потенцираше дека по излегувањето на Рамос од линијата, останатите тројца дефанзивци требало да го покриваат просторот што тој го оставил. Според него Варан и Регилон биле задолжени за тоа во оваа ситуација.