Сојузниците на НАТО го слушаа извештајот на бугарските претставници за состојбата во врска со обвинувањата кон Русија и изразија целосна солидарност и поддршка за Софија, рече портпаролот на НАТО Оана Лунгеску.
„Бугарските претставници денес го информираа Северноатлантскиот совет за нелегалните дејствија на руските граѓани во Бугарија во последните десет години … Сојузниците на НАТО изразија загриженост за континуираното однесување на Русија во дестабилизација и исто така изразија целосна поддршка и солидарност со Бугарија“, напиша портпаролката на Алијансата на Твитер.
Кон крајот на април, Бугарската национална телевизија, повикувајќи се на обвинителството, соопшти дека шест руски државјани се осомничени за експлозии во фабрики и воени магацини во Бугарија, од кои тројца беа обвинети за обид за убиство на бугарскиот бизнисмен Емилијан Гекрет.
На 29 април Бугарија го прогласи асистентот на Русија за воено аташе за персона нон грата. Бугарското Министерство за надворешни работи изјави дека водело „темелен и сериозен“ разговор со рускиот амбасадор во Софија во светло на сомнежите за Русија.
Подоцна, министерот за надворешни работи на Русија, Сергеј Лавров, за ова протерување рече дека Софија со вакви изјави реши да ја надмине Прага, каде кон средината на април руските разузнавачки служби беа обвинети за вмешаност во експлозија во складиште за муниција во селото на Врбјетице во 2014 година.