Талибанците влегоа во главниот град во рано утрово и официјален претставник на милитантната група рече дека наскоро ќе го објави Исламскиот емират на Авганистан од претседателската палата-враќање богато со симболика на името на земјата под владата на Талибанците соборена од силите предводени од САД по нападите на 11 септември. Службеникот зборуваше под услов на анонимност бидејќи не бил овластен да ги брифира медиумите.
Тоа беше името на државата под талибанска власт од 1996 до 2001 година.
Претседателот на Авганистан, ја напушти земјата во неделата, придружувајќи им се на своите сограѓани и странци во стампедо што избегаа од Tалибанците што напредуваа и го означи крајот на 20-годишниот западен експеримент, чија цел беше обнова на Авганистан.
Во неверојатен начин, Талибанците го зазедоа речиси целиот Авганистан за нешто повеќе од една недела, и покрај милијардите долари што САД и НАТО ги потрошија во текот на речиси две децении за изградба на авганистанските безбедносни сили. Само неколку дена порано, американската воена проценка процени дека ќе помине еден месец пред главниот град да биде под притисок на бунтовниците.
