Утре во 17 часот попладне е најавен голем протест во Скопје против Ковид сертификатите и новите мерки кои ги најави министерот за здравство Венко Филипче.
Протестот се организираше на социјалните мрежи, а е закажан за 20 ноември во 17 часот пред собранието на Република Македонија.
Во цела Европа секоја сабота се организираат масовни протести против ковид пропусницата и мерките кои се заоструваат на целиот континент.
Со новите мерки сите вработени во јавниот сектор, локалната самоуправа, сите институции за одење на работно место да прикажат потврда за најмалку една примена вакцина или да имаат ПЦР негативен тест кој ќе важи најмалку 72 часа, а ќе биде направен на сопствен трошок или ќе приложат потврда за прележан КОВИД-19, не постар од 45 дена или ќе имаат потврда од лекар специјалист дека вакцината не може да ја примат, а тоа се една од оние ретки имунолошки состојби за кои ние ќе излеземе со соодветна листа на болести и специјалисти кои тие потврди ќе може да ги издаваат.
„Ова е лудо. Лудите мерки не признаваат антитела. Јас ќе одам како сведок на суд да кажам дека тоа што го прават е лудост. Човек три пати дарувал крвна плазма признание има за тоа, но бидејќи не е вакциниран нема да може да оди на работа. А на пример вакцината може да му направи многу штета, има многу антитела, не му е потребна медицински. Светот побудале и ние сите луди мерки од светот ги прифаќаме, паметните не баш. Овие мерки не се ни уставни, ни законски и не можам да прифатам луѓе со висок број на антитела, прележани, дарители на крвна плазма кој спасуваат животи да не можат да одат на работа, да се тераат да се вакцинираат. Не се работи за антиваксери се работи за луѓе кои имаат имунитет, во цел свет имунитетот трае 9 месеци, 12 месеци“, изјави професорот Никола Пановски за Инфомакс коментирајќи ги новите мерки.
-Нашиот Устав подразбира можност основните права со исклучок на правото на живот, забрана за мачење слобода на мисла и изразување како и слободата на вероисповест да се ограничат во време на воена и вонредна состојба, но тоа не смее да биде врз база на дискриминација. Новиот Закон за заштита од дискриминација во член пет како дискриминаторски основи ги предвидел и здравствената состојба, политичко и друго уверување, и токму од тие причини најавените мерки се супер дискриминаторски, и со тоа неуставни, изјави адвокатот Јанаки Митровски за Инфомакс коментирајќи ги новите мерки.
