Педесет и седум годишниот Е.И. од скопско Арачиново кој вчера беше уапсен во близина на Врховниот суд, а за време на изрекување на пресудите во случајот „Диво Насеље“, бил автор и на писмо со заканувачка содржина, информираат денес од полицијата.
По извршеното вештачење во МВР утврдено е дека прачките кои беа пронајдени кај него, а што наликуваат на експлозивна направа, всушност се пиротехнички средства (петарди).
Во врска со заканувачкото писмо, од МВР денес информираат дека утврдено е дека тој е авторот со графолошко вештачење.
По целосно документирање на случајот, против Е.И. ќе биде поднесена соодветна пријава.