За разлика од минатата година, кога зелениот сок им беше фаворит на славните, сега се повеќе убавици се насочуваат кон супите кои лесно се подготвуваат и се преполни со антиоксиданси.
Еве неколку рецепти за супи за слабеење:
Супа од тиква
Состојки:
- 1 средна тиква
- 2 лажици маслиново масло
- 2 лажици кокосово масло
- 1 поголем исецкан кромид
- 2 чешниња лук
- 2 лажици исецкан ѓумбир
- 1лажичка ким
- 1/2 лажичка коријандер
- 3 шолји обична пилешка супа
Начин на подготовка:
Исчистете ја тиквата и зачинете ја со сол и бибер, на секој половина ставете по една лажица маслиново масло па печете во рерна на 200 степени оолу 35 минути – треба да стане потполно мека.
Во меѓувреме, на кокосовото масло добро продинстајте ги кромидот и лукот, а потоа додадете ги ѓумбирот и сите преостанати зачини.
Издинстајте ги неколку минути, за да се измешаат вкусовите, па потоа сипете ја супата и посолете по вкус.
Оставете смесата да се вари додека тиквата не се испече, а потоа додадете ја во тенџерето со супа и варете уште десетина минути.
На крајот смесата ставе ја во блендер и ќе добиете прекрасна портокалова супа, која можете да ја служите прелиена со маслиново масло или со малку павлака.
Зелена супа од праз и целер
Состојки:
- 2 средни парчиња праз
- 2 лажици маслиново масло
- сол
- 3 чешниња лук
- 1 лажица мајчина душичка
- 1 среден корен целер (исчистен и исечкан)
- 2 ½ шолјои класична супа
- 2 лажици сок од лимон