Мбах Готхо од Индонезија во чија лична карта пишува дека е роден во 1870 година, го прослави својот 146 роденден во малото село во покраината Јава. Тој својата долговечност ја препишува на трпението.
Готхо за кого и официјалните институции потврдуваат дека има 146 години, ги има надживеано сите десет браќа и сестри, четирите претходни сопруги и децата.
Скромната прослава со семејството и соседите се одржа во неговиот дом во местото Страген. Тој се смееше кога му ја пееја роденденската песна, а како што пренесуваат медиумите успеал сам да ги угаси сите три свеќи со броевите 1, 4 и 6.
Кога порано го прашувале која е неговата тајна за долговечност, Готхо одговарал: “Единствен рецепт е трпението“.
За регионалната ТВ мрежа во 2016 кажа: “ Всушност не сакам повеќе да живеам“. Од неодамна тој не може сам да одржува хигиена, а членовите на семејството му помагаат при конзумирањето храна.
Неговите внуци велат дека најмногу време поминува слушајќи радио, зашто неговиот вид е многу ослабен и не може да гледа ТВ програми.
https://www.youtube.com/watch?v=wBm95XG170w