Концепцијата е многу сложена и само паметни луѓе може да ја разберат, рече во дел од обраќањето на јавната расправа за промените во наставните програми за основното образование, професорката Мирјана Најчевска. Таа додаде дека оние, пак, што не се паметни воопшто нема да ја сфатат и ќе бидат гласни во критиките.
Најчевска истакна дека периодов чула мислења на голем број професори кои правеле компаративна анализа на образовните системи, но им порача да читаат понова литература.
– Оваа предложена концепција, иако не е совршена, ќе не однесе подалеку. Сите држави се во процес на реформи на образовните системи, бидејќи не се задоволни од постоечките. Ние можеме да останеме на опашката и да ги повторуваме нивните грешки или пак конечно да го фатиме чекорот, порача професорката Најчевска.