Невремето пристигнува. Доцна попладнево и во вечерните часови на повеќе места ќе биде нестабилно со пороен дожд и грмежи, особено во западните делови.
И во Скопје доцна попладнево и во текот на вечерта ќе има услови за локален пороен дожд и грмежи.
Повремени врнежи од дожд ќе има и во текот на ноќта кон четврток, како и претпладне, а преку денот облачноста ќе се намалува.
Позначителен влажен бран се очекува во сабота попладне, а за време на викендот ќе дува засилен северен ветер, а ќе има и значително намалување на дневната температура.
Европскиот метео сервис ја стави Македонија во жолта алертна фаза, како опасност од силно невреме и грмежи.
