Сите овие белосветски емисари коишто денес ќе дојдат и утре ќе си заминат, не им е баш сосема јасна состојбата во Македонија. Најголемиот дел од нив се претставници на европската левица поврзана со Сорос, и операциите кои ги водеше тој преку УСАИД, или станува збор на претставници на Германија кои имаат некои други сметки тука. Апсолутно неприфатливо е наметнувањето на сила на она што го прават, и ми се чини дека тоа што го прават ќе доведе до уште поголем одговор од народот. – вели Петровски во интервјуто за Радио Слободна Македонија
Според Петровски, народот нема да дозволи некој однадвор да му ја негира сопствената волја. Тој потсети и на инцидентите на изборите во 2008. година имаше загинат човек кој беше жртва на пресметката помеѓу ДУИ и ДПА. Тогаш, ДУИ не прифати како победник во албанскиот политички блок да биде опозиција, што пак доведе до насилства па дури и убиства. Петровски додава и дека ДУИ буквално со крв го плати т.н. „Мајски Договор“.
Аналитичарот кој со парите на УСАИД направи бизнис империја во градежниот сектор Алберт Муслиу пак, продолжи да ја „врти плочата“ на останатите соросоидни платеници, дека Иванов наводно намерно ја заострува ситуацијата со тоа што одбива да го даде мандатот на претставник на албанската платформа, со што се подриваат темелите на државноста.
Муслиу смета дека Собранието треба да ги „превземе работите во свои раце“, и само да си изгласа влада и покрај тоа што претседателот не го доделил мандатот.
„Што правиме ако ние, како и ДУИ во 2007 ги блокираме институциите, го блокираме Парламентот, па никој да не може да влезе внатре? Каде ќе се прави тогаш влада во некоја полјана?“ – праша Петровски.
