Помал број на лица беа присустни на митингот кој вечерва СДСМ го одржа во Скопје во споредба со митингот кој опозициската партија го одржа лани на 17 мај, е првиот и очигледен впечаток кој се забележува.
Ниту оптичките игри кои ги направил организаторот, пред се поместување на бината за неколку метри напред во споредба со ланскиот нивен митинг како и големата празнина помеѓу бината и првиот ред од присутните не можат да го скријат впечатокот за недоволната бројка на присутни на денешниот митинг.
Исто така во публиката се присутни празнини и дупки па затоа СДСМ осветлуваше само дел од присутните кои се понапред, а другиот дел од улицата е неосветлен со цел да се прикрие слабата посетеност.
Очигледна е и нервозата на раководството на СДСМ кои незадоволни од посетеноста демонстрираат паника и се трудат со гласни извици да го прикријат своето незадоволство.
Ниту притисоците кои СДСМ ги правеше врз вработените во општините Струмица и Куманово каде што ја имаат локалната власт и автобусите од внатрешноста не придонесоа за значителна посетеност на која се надеваа во СДСМ.
На митингот се забележуваа албански знамиња, а имаше и албански песни, транспаренти со натпис „Арачиново е со тебе“ и слични што е на линија на заложбите на Заев за воведување на двојазичност и редефинирање на државата.
Тоа е главната причина за слабата посетеност велат упатените, Македонците не се согласуваат со штетните политики на Заев и неговите обиди за продажба на националните и државните интереси.