Удинезе потврди дека од денеска во својот ростер на фудбалери го има и нашиот Илија Несторовски.
„Удинезе сака да соопшти дека потпиша тригодишен договор со Илија Несторовски со опција за продолжување и за четврта“ – гласеше известувањето на клубот од Фриуили.
„Несторовски веќе покажа дека умее да постигнува голови во Серија А. Го одбра Удинесе и покрај тоа што имаше неколку значајни понуди, па треба да му се заблагодариме“ – рече техничкиот директор на клубот, Пиерпаоло Марино.
Несторовски во Удинезе пристигна како слободен играч бидејќи Палермо беше исфрлен во Серија Д и сите играчи на сицилијанскиот клуб добија раскин на договорите.