Малезија на богатите земји им врати 150 контејнери со пластичен отпaд и порача дека нема да биде „светско ѓубриште“.
Откако Кина во 2018 го сопре увозот на отпaд од странство, тој регион е преплавен со пластика од развиените економии како Соединетите Американски Држави, Канада и Британија.
Голем број кинески компании кои се бават со рециклирање се преселија по зaбраната во Малезија поради што во таа земја дојде до недозволени испораки на огромни количества пластика.
Владите низ целиот регион сега ја враќаат нeлегално увезената пластика, а министерката за заштита на животната средина Јео Би Јин кажа дека Малезија вратила 150 контејнери кои превезувале 3.737 тони отпад од разни земји, вклучувајќи ги Франција, САД и Британија.
Земјите кои го испратиле ѓубрето ќе мора да ги покријат трошоците на враќањето.
Не сакаме да дадеме ни пара за тоа. Кога некој нeзаконски ќе го фрли своето ѓубре во вашата земја, нема вие да плаќате за да се врати назад – кажа Јин.