Лидерот на ВМРО-ДПМНЕ, Никола Груевски, денес беше во посета на општина Илинден.
Со градоначалникот на општината, Жика Стојановски, тие направија увид на новата пречистителна станица и обновениот Дом на култура.
Во завршна фаза е изградбата на канализационен систем со пречистителна станица во Марино. Пречистителната станица е со капацитет од 1.250 жители, односно 330 домаќинства.
Канализационен систем е во должина од 4000 метри. Инвестиција е со вкупна вредност на проектот од 30 милиони денари.
Истовремено, Илинден доби и обновен Дом на култура-Илинден. Парк, како и амфитеатар за 200 луѓе, во вкупна вредност 18 милиони денари.