Новиот вид на коронавирусот, што прво беше откриен во Велика Британија, потврден е во најмалку 37 држави, јави Си-Ен-Ен. Новиот вид на коронавирусот покрај во Велика Британија потврден е и во Австралија, Белгија, Бразил, Канада, Чиле, Кина, Данска, Хонг Конг, Финска, Франција, Германија, Исланд, Индија и во Ирска. Регистриран е и во Израел, Италија, Јамајка, Јапонија, Јордан, Либан, Малта, Луксембург, Холандија, Нов Зеланд и во Норвешка. Вирусот го има и во Пакистан, Португалија, Обединети Арапски Емирати, Сингапур, Јужна Кореја, Шпанија, Шведска, Швајцарија, Тајланд, Тајван, Турција, САД и во Виетнам.
Експертите велат дека новиот вид полесно се пренесува, но нема докази дека е посмртоносен или да предизвикува потежок облик на болеста.
Во светот досега се регистрирани 85.6 милиони потврдени случаи на коронавирусот.