По неодамнешните секс скандали во МВР по се изгледа Оливер Спасовски и не може поинаку да функционира освен контроверзно и во тесна партиска и фамилијарна линија
Неодамна на местото Началник на Регионалниот Центар Север во рамки на Гранична Полиција го поставил својот братучед Бобан Димитровски од Куманово. Смената е направена заедно со Командирот на граничен премин Аеродром Скопје.
Овие две најодоговорни позиции од граничното управување кои се однесуваат на најневралгичната гранична линија, онаа со Косово, и аеродромот Скопје со над милион патници годишно се сега под комплетна фамилијарна контрола на Спасовски. Она што за него беше „фамилија“ и „режим“ додека уништуваа фасади за време на „Шарената Револуција“ сега е само лицемерие и двојни стандарди.
На кој интерен оглас и како е именуван братучедот на Спасовски за Началник во Граничната Полиција најдобро знае директорот на бирото за јавна безбедност Лазе Велковски, како и советникот во кабинетот на Спасовски, Раде Јанковски кој беше поранешен прв човек на Граничната Полиција.
Дали сега кога братучедот на Спасовски е началник на северната граница ќе соберат храброст повторно да ја отворат со работа и смена караулата Гошинце која од нејасни причини беше затворена токму во мандатот на Спасовски?