Министерот за внатрешни работи на Австрија, Карл Нехамер, најави дека на денешната седница на Советот на министри за внатрешни работи на ЕУ, ќе побара поддршка за формирање центри за протерани од Авганистан во соседството на таа земја.
„Едно е јасно за ЕУ, и постои единство околу тоа дека бранот миграција од 2015 година не смее да се повтори. Потребна е заедничка акција на ЕУ”, рече Нехамер на прес -конференција пред состанокот на ЕУ.
Тој пренесе дека Австрија е обединета во својата позиција со Германија дека целта мора да биде повеќето луѓе да останат во регионот и да им покаже на соседите дека нема да бидат оставени на цедило доколку обезбедат помош за Авганистанците.