Вистинска дpaма претпладнево се случувало во просториите на најголемата општина во Скопје, општина Карпош.
По претходна расправија вработен во опшината нападнал граѓанин со остар предмет, по што интервенирала полицијата, а повредениот бил пренесен итно во болницата „8 ми Септември“ за да му биде укажена лекарска помош.
Од министерството за внатрешни работи го потврдуваат настанот и потенцираат дека се работи на расчистување на случајот.
-На 26.07.2021 во 11,30 часот било пријавено дека по претходна расправија С.А.(34) со остар предмет му нанел повреда на В.К.(37) двајцата од Скопје. Повредениот бил пренесен во Градската општа болница “8-ми Септември“ за укажување на лекарска помош. Од страна на полициски службеници од СВР Скопје излезено било на местото на настанот и се работи на расчистување на случајот, велат од МВР.
Неофицијално на настанот му претходел љубовен тријаголник кој за среќа не заврши трагично.