Новоизбраниот претседател на САД Доналд Трамп ќе го номинира Рекс Тилерсон за 69-от Државен Секретар, а извршниот директор на нафтената компанија „Ексон Мобил“ ќе биде и член на Националниот совет за безбедност на САД. Во изјава од персоналот на тимот за транзиција на Трамп стои дека, 64 годишниот Тилерсон е „силен и фокусиран адвокат на Американските витални национални интереси“ и ќе помогне во „враќање на годините од погрешното водење на надворешната политка и активности кои ја ослабнале безбедноста на САД и го нарушиле нејзиниот имиџ во светот“
„Кариерата на Рекс Тилерсон е вообличување на Американскиот сон. Преку макотрпна работа, посветеност и паметно преговарање, Рекс се искачи низ сите ранкови до највисокиот како извршен директор на Ексон Мобил, една од најголемите светски компании“, изјавил Трамп.
Тилерсон ќе го замени актуелниот Државен Секретар Џон Кери, кој ја презема оваа улога во Фебруари 2013 година. Агециите кои ќе бидат под негова одговорност се Агенцијата за Меѓународен развој (УСАИД) и Мисијата на САД во Обединетите нации. Државниот секретар е четврти во редот за преземање на претседателската функција во вонредна ситуација.
I have chosen one of the truly great business leaders of the world, Rex Tillerson, Chairman and CEO of ExxonMobil, to be Secretary of State.
— Donald J. Trump (@realDonaldTrump) December 13, 2016
The thing I like best about Rex Tillerson is that he has vast experience at dealing successfully with all types of foreign governments.
— Donald J. Trump (@realDonaldTrump) December 13, 2016
Тилерсон бил поддржан за позицијата од неговите претходници Кондолиза Рајс и Џејмс Бејкер, како и од екс-Државниот секретар за одбрана Роберт Гетјс, според Ројтерс.
Rex Tillerson is an excellent choice for Secretary of State. Read my full statement here: https://t.co/Q6v9F9NXM7
— Condoleezza Rice (@CondoleezzaRice) December 13, 2016
Во 2011 година Тилерсон потпиша договор со Руската државна нафтена компанија „Роснефт“ како претставник на ЕксонМобил, со што на неговата компанија и овозможи влез на Рускиот Арктик, а Роснефт доби акции во проектите на ЕКсонМобил во Северна Америка.
Зборувајќи на прес конференција во Белград по најавата за назначување на Тилерсон, Рускиот министер за надворешни работи Сергеј Лавров изјавил дека „ја прифаќаме оваа одлука од новоизбраниот претседател на САД, и како што повеќепати подвлече претседателот Путин спремни сме да работиме со сите партнери кои се заинтересирани во развој на еднакви релации со Русија“.
Претставникот на Кремљ за надворешни прашања Јуриј Ушаков го опишал Тилерсон како „добро познат за Руските претставници, активно вклучени во бизнис операциите“.
„Тој е одговорен и многу професионален“, додал Ушаков. „Не само Рускиот претседател, но и Руските преставници имаат добри бизнис релации со него“.