Без дискусија, со 88 гласа „за“ Собранието донесе одлука да се објави оглас за избор на нов состав на Државната изборна комисија. Со огласот се бара претседател, потпретседател и пет членови на ДИК, а трае осум дена од објавувањето во „Службен весник“.
На денешната седница на дневен ред е и предлогот на премиерот Зоран Заев за избор на нови министри и заменици. За министерската позиција во Министерството за правда предложена е Рената Дескоска, за министер за образование и наука е предложен Арбр Адеми, за култура Асаф Адеми и за министер без ресор Бардил Даути. За заменик-министер за надворешни работи е предложен Андреј Жерновски, за заменик-министер за здравство Асим Муса, за заменик-министер за труд и социјална политика Ѓонул Бајрактар и за транспорт и врски Садик Беќири.