Пушењето е навика која е штетна и од која тешко се откажуваме, но помагаат неколку намирници од кујната, за да го исчистите телото.
Треба да внесувате што повеќе здрави намирници, а тука е прв зелениот чај кој го чисти телото, воедно е супер како течност во телото.
Помагаат и морковите кои ја штитат кожата која никотинот ја прави сува.
Брокулата, зелката, лимон, портокал, киви, прокељ, се само дел од намирниците кои ќе ви помогнат, а воедно и ви го чистат телото.
Пет брзи начини како да го отсраните мирисот од цигари
Пушењето во затворена просторија остава непријатен мирис кој останува долго на вашите алишта, завеси и мебел. За да се ослободите од мирисот предизвикан од оваа лоша навика, или барем да се ублажи, обидете се со овие едноставни трикови кои навистина делуваат.
1. Оцет или јаглен
Во неколку помали сада ставете малку вински оцет или ставете неколку парчиња активен јаглен и сместете ги во просторијата во која се пушат цигари. Ако имате деца или домашни миленици, садовите ставете ги на повисоки и безбедни места. Јагленот и оцетот ја апсорбира и неутрализира непријатната миризба.
2. Парфем
Истурете малку од вашиот омилен парфем по ладна сијалица. Кога ќе се запали светлото и кога сијалицата ќе се загрее, во просторијата ќе се рашири пријатен мирис кој, барем делумно ќе го прикрие димот и смрдеата на цигари.
3. Омекнувач за облека
Ако сметате дека вашите модни додатоци како ракавици, капа или шал впиле од мирисот на цигари, а планирате да ги носите во текот на наредниот ден, оставете ги еден час на отворен прозорец, а потоа ставете ги во текот на ноќта во пластична кеса заедно со омекнувач за облека во облик на марамици или мирисни кесички за пракар.
4. Песок за мачки
Во пепелник истурете малку обичен, или уште подобро миризлив песок за мачки. Тој целосно ќе го отстрани мирисот на догорчињата од цигари, и прави полесно да се исчисти пепелникот.
5. Сода бикарбона
Навечер, пред спиење ставете малку сода бикарбона на тепихот, седечката гарнитура и рабовите на просторијата во која се пушело. Наутро поминете со правосмукалка.