Останати се помалку од 5.000 вакцини, кои се распределени да се даваат во новоотворените пунктови, а во сите други се врши ревакцинација, информира министерот за здравство, Венко Филипче.
Како што најави тој, оваа недела треба да пристигнат 70 илјади вакцини – 50 илјади од Бугарија и 20 илјади од Грција, а најверојатно ќе станува збор за вакцини на „Астра зенека“.
Останува, редовно, секој понеделник, да пристигнуваат вакцини на „Фајзер“, а се очекува да стигне и голема количина вакцини за кои сѐ уште нема точен датум, а биле најавени за почетокот на јуни.