Судењето за поранешната министерка за внатрешни работи Гордана Јанкулоска за набавката на „мерцедесот“ е одложено за 29 август, откако ќе заврши судската ферија (годишниот одмор).
На екс министерката и се суди во раздвоена постапка во предметот „Тенк“ бидејќи имаше ризична бременост. За „мерцедесот“ затворски казни добија другите двајца обвинети, поранешниот премиер Никола Груевски – 2 години, и екс помошник-министерот во МВР, Ѓоко Поповски – 6 години и 6 месеци.