Речиси ќе нема место на земјината топка каде нема да може да се гледа пренос од Суперкупот во Скопје на кој ќе играат Манчестер јунајтед и Реал Мадрид.
Суперкупот на УЕФА е најголемиот спортски настан кој се случил во Македонија, во вторник на „Филип Втори“ Арената ќе истрчаат ѕвездите на Реал Мадрид и Манчестер јунајтед.
Ова ќе биде и најголемиот УЕФА Суперкуп досега, бидејќи никогаш во него не учествувале два гиганти како Манчестер јунајтед и Реал Мадрид поради тоа што вообичаено победник во Купот на УЕФА или Лига Европа е помалку атрактивен тим.
Според УЕФА, директен пренос од „Филип Втори“ ќе има во 228 земји ширум светот и се очекува гледаност од половина милијарда гледачи, што ќе претставува и еден од најгледаните спортски настани воопшто.
Натпреварот помеѓу Реал Мадрид и Манчестер јунајтед се игра во вторник, на 8. август со почеток од 20:45.