Претседателот на Република Македонија, Стево Пендаровски, во гостување во емисијата „Само интервју“, зборуваше за актуелните прашања прашања во Македонија, Пендаровски се осврна и кон спорот со Бугарија, откривајќи дека Бугарија се уште нема доставено одговор на позициите кои беа испратени од Македонија.
-На тие точки 5+1, ние ги кажавме нашите позиции. Немаме добиено одговор од Софија. Мислам дека е ред кога јас на улица ќе ти кажам добар ден и ти мене да ми одговориш со добар ден, да не вртиш глава. Постоеше и нели португалскиот предлог, кој беше донесен во Скопје и Софија. Тие му рекоа на Да Силва (португалскиот МНР) дека им треба 4,5 дена за одговор. Пак немаше никаков формален одговор ниту на тоа. За што зборуваме тогаш? За 6 месеци, еден месец? Прашањето е дали ти сакаш да влезеш во реални разговори со мене или сакаш само да ја тегнеш работата. Само еден резон гледам за тегнењето, а тоа е затоа што имаа три парламентарни избори по ред, што беше ситуација без преседан кај нив, вели Пендаровски во емисијата „Само интервју“.
