Лентата која ја мери брзината со која се движел автобусот, односно Тахографот, изгорел во пожарот, соопштија бугарските истражни органи.
Како доказен материјал, пак, ќе се користи и материјалот од камерите на преминот и агенцијата за надзор на патишта.
Според првичните неофицијални информации, постои сомнеж дека пожарот настанал со триење на автобусот со банкината, а тубите со нафта кои наводно биле во близина на возачкото место придонеле до експлозија.
Бугарските експерти ја анализираат и безбедноста на автопатот и поставеноста на знаците на делот од автопатот каде се случила несреќата.
Трагедијата се случила во два часот на автопатот кај селото Боснек, 40 км јужно од Софија.