Американскиот актер Мајкл К.Вилијамс, најпознат по улогата на Омар Литл во серијата „Жица“, е пронајден мртов во својот стан во Њујорк, објави њујоршката полиција.
Портпаролот на полицијата Џон Гримпел изјави дека Вилијамс (54) бил пронајден безживотно, во стан во Бруклин, откако во 14 часот добиле повик од Итната служба, пренесува Ројтерс.
Според странските медиуми, се шпекулира дека потрошувачката на дрога била прекумерна, но се уште не е потврдено од што починал.
Бројни колеги, пријатели и обожаватели се простија од легендарниот Омар преку социјалните мрежи.
