Тешки прекршувања и изборни нерегуларности се случуваат денес на терен, на вториот круг од локалните избори.
На локалниот пат Македонска Каменица – с.Дулица инспектори од МВР, во друштво на Бошко Стаменковски, кој е брат на кандидатот за градоначалник од СДСМ, ги запираат возилата со гласачи кои гласаат во с.Дулица односно избирачко место 0613.
Притоа, како што дознаваме од терен, ги пропуштаат само возилата кои носат гласачи на СДСМ, а ги отстрануваат од сообраќај возилата кои носат гласачи на ВМРО-ДПМНЕ.
Бошко Стаменковски кој не е вработен во МВР и кој знае кои гласачи се на ВМРО-ДПМНЕ им сугерира на инспекторите од МВР кои возила не треба да бидат пропуштени, се со цел да се одвратат гласачите на ВМРО ДПМНЕ да гласаат во с. Дулица.