Два дена по пожaрот во зградата во центарот на Скопје каде е сместена и Подрачната единица на Управата за водење матични книги, скопјани не можат да ги добијат потребните документи. На вратата стои лист на кој пишува дека на кој пишува: „Поради ислкучена електрична енергија и пожaрот во зградата, шалтерите на матично и др. институции не работат“.
Ниту еден документ од матичните книги на родени, венчани и умрени не може да се извади од Управата за водење на матични книги.
Пожaрот што избувна завчера во просториите на Министерството за животна средина не ги оштeти просториите на Управата, но исклучената струја ја прeкина работата во целата зграда.
Граѓаните кои одат да вадат документи се збунeти и не знаат каде да се обратат.
Директорката на Управата само кратко ни објасни дека, поради прeкинот на електричната енергија не им работи електронскиот систем за издавање на документи. За одговор кога ќе проработат, не` препрати во владината служба за општи и заеднички работи, но, директорот на службата не е достапен за информации, јави вчера Телма.
За разлика од државните институции, приватните компании кои се сместени во истата зграда, денеска работат, а електрична енергија добиваат од агрегат, јави Сител.
Во пожaрот се оштeтeни шест канцеларии на Инспекторатот за животна средина и просторно планирање. Уништeнa е и архивата на Инспекторатот, но како што информираа оттаму, имаат електронска евиденција за документитe. Во пожaрот се уништeни и дел од канцелариите на вториот кат каде се наоѓа Медиумската информативна агенција.