Градоначалничката на Град Скопје, Данела Арсовска, денес оствари средба со претставници од граѓанското здружение за заштита на животните „Анима Мунди“. На средбата се разговараше за похумана грижа како и изнаоѓање на трајно хумано решение за проблемот со бездомните животни.
„На денешната средба со претставници од граѓанското здружение за заштита на животните „Анима Мунди“, разговаравме за похумана грижа за бездомните животни во градот. Конструктивните предлози за заштита и благосостојба на животните и изнаоѓање на трајно хумано решение за проблемот со бездомните животни се важни за обезбедување системски решенија“, информираше Арсовска преку социјалните мрежи.
