После тешка и долга борба со тешка болест на 77 години почина легендарниот босански актер и комичар Мустафа Надаревиќ, а најпознат како Изет Фазлиновиќ од култната серија „Луд, збунет, нормален“, јавуваат регионалните медиуми.
На легендарниот актер му беше дијагностициран рак на белите дробови, а неодамна беше отпуштен од болница и престојуваше во својот дом во Загреб, а поради новонастанатата ситуација со коронавирусот тој воопшто не излегувал од својот стан.
Македонската јавност него најмногу го памети по неговата легендарна улога во култната серија „Луд, збунет, нормален“, како Изет Фазлиновиќ.