Во Велес синоќа на улицата „Благој Ѓорев“ во новиот дел на Велес започна 14. по ред „Велешка Питијада 2017“ што ја организира Општина Велес во соработка со велешките кафеани, ресторани, кафетерии и винариите од Велес и регионот.
Вечерва свој настап ќе имаат Конективе Бенд, Карамба бенд, Група Виуртус, ДНК и Здравко Чолиќ.
Во недела вечер ќе настапат RNB Neighbors Cyclone, Сифоник, Чикс, Група Соната, Тамара Тодевска, Суперхикс и за крај групата „Рибља чорба“.
Инаку по традиција на годинашната Питијада 2017 во Велес вечерва во 18 часот ќе се сече џиновската пита пастрмајлија, која ја подготвуваат велешките пекари и е за Гинисовата книга на рекорди, а ќе има и други занимливости за посетителите.
Велешката пита пастрмајлија која се подготвува со свинско и овчо или козјо солено месо – пастрма полиена со јајца, во Велес е долга и трае од 1862 година. Низ годините ја подготвувале велешките домаќинки и фурнаџии, а и денес се подготвува во велешките домаќинства и е главен бренд на велешките кафеани и ресторани.