Според последните информации, во Србија биле регистрирани 5.679 новозаболени лица, а 48 лица починале.
Во болниците има 8.744 лица, од кои 318 пациенти се на апарати за дишење.
Во последните 24 часа во Србија се тестирале 16.886 лица или вкупно 2.016.984 лица од почетокот на епидемијата. Коронавирус однесе вкупно 2.275 животи во Србија, така што стапката на смртност, според новите податоци, е 0,87 проценти.
Да потсетиме, овој викенд, како и претходниот, во Србија се на сила мерките за затворање, односно сите објекти освен продавниците за храна, аптеките и бензинските пумпи се затворени до понеделник во 5 часот.
Кризниот штаб вчера одржа седница, но ќе ја информира јавноста за новите мерки во понеделник, на 14 декември.
Новите мерки за кои се разговарало се однесуваат на претстојните празници, како и ризикот од голем прилив на граѓани кон Србија, со цел да се одбележат прославите и почетокот на новата година со семејството.
