По земјотресот со јачина од 4 степени почувствуван денеска во 11 часот и 39 минути, во охридскиот регион почувствувани се уште три помали потреси.
Еден од нив следен веднаш во 11 часот и 42 минути, а бил со јачина од 2,3 степени со епицентар на 2 километри источно од Охрид.
Вториот бил во 13 часот и 53 минути, со епицентар на 8 километри источно од Охрид и јачина од 2,4 степени, додека третиот е почувствуван во 14 часот и 31 минута.
Последниот земјотрес, според првичните информации бил со јачина од 2,8 степени, а пицентарот бил на 8 километри југо-западно од Ресен, на длабочина од 5 килоемтри.
Од 18. минатиот месец до денеска во охридското епицентрално подрачје се регистрирани над 800 земјотреси. Повеќето биле слаби, со Рихтерова магнитуда од еден и два степена.