Светската здравствена организација вети дека ќе испрати експерти кои треба да спречат сексуална експлоатација на 10 локации, по големиот скандал во Конго, во кој персоналот на СЗО беше обвинет за сексуална злоупотреба на жени, изјавија денеска неименувани дипломати.
Околу 83 работници од Конго кои помогнаа за време на епидемијата на ебола, од кои една четвртина работеа за СЗО, беа вклучени во сексуална експлоатација и злоупотреба на жени помеѓу 2018 и 2020 година, објави независна комисија минатата недела.
Бројни западни донатори за хуманитарна помош побараа од СЗО да започне детална независна истрага за да види како е дозволено да се случи скандалот, изјавија неименувани дипломати за Ројтерс претходно оваа недела.