Пратениците Влатко Ѓорчев и Антонио Милошоски го посетија универзитетот во Оксфорд.
Одлична посета на Универзитетот во Оксфорд во Велика Британија. Средби со пратеници од Велика Британија и околу 10-тина земји. Повеќе учесници од Велика Британија, Норвешка, Шведска, Бразил, Индонезија, Малезија, Украина, Камерун, Нов Зеланд…Светот треба да слушне за Македонија од нас самите, без туѓи интервенции и толкувања. Исто така, средби и состаноци со повеќе професори од Универзитетот во Оксфорд, известувачи на ОН, поранешни и сегашни амбасадори. Темите беа човековите права и слободи, човековото достоинство, слободата на говорот и уверувањата, верските слободи, женските права, меѓународните резолуции и декларациите на ОН и Советот на Европа. Заедно со пратеникот Антонио Милошоски ја претставуваме нашата земја Македонија, со голем број на дискусии, прашања, одговори и објаснувања. Вреди СЕКАДЕ да се зборува за Македонија. За македонската историја, сегашност и иднина, напиша Ѓорчев на Фејсбук.