Имунитетот на Зоран Теофиловски се проблематизира од страна на Обвинителството, кое бара судијата на претходна постапка да се произнесе по нивниот предлог Теофиловски да оди во Шутка.
Имено, од Обвинителството тврдат дека ниту во Уставот, ниту во Законите за Судски совет не пишува дека членовите на советот уживаат имунитет, така што со престанувањето на судиската функција и станувањето на член на Судскиот совет, Теофиловски го изгубил правото на имунитетот, бидејќи судиите имаат имунитет, но не и членовите на Судски совет.
Имунитетот на Теофиловски се проблематизира и затоа што кога го сторил кривичното дело не бил ниту судија, ниту член на судски совет, туку цивилно лице. По отворањето на истрагата, судијата не беше достапен за органите на прогонот 24 часа, а потоа сам се пријави во судот и се повика на имунитетот.