Поради екстремно високите температури што ја зафатија земјата и предизвикаа загревање на речните води, Германската електроенергетска компанија „Пројсен електра“ изјави дека привремено ќе ја исклучи од мрежата aтомската централа Гронде.
Оваа мерка ќе биде преземена во согласност со законските регулативи кои предвидуваат гасење доколку температурата во речните води се искачи над 26 степени целзиусови.
Aтомската централа има капацитет од 1.430 мeгавати и ќе биде затворена од утре, петок, па до недела, кога повторно ќе се разгледаат околностите кои влијаат на донесување на одлуката.