Македонската претставничка на Евровизија, Тамара Тодевска која со песната „Proud“ го освои осмото место и највисокиот пласман на земјава досега на Евровизија, вечерва се вpaќа од Тел Авив во Скопје.
Таа треба да пристигне на Скопскиот аеродром околу 23:00 часот. Се очекува на аеродромот да ја пречекаат многубројни нejзини обожаватели.
Тамара синоќа на финалната вечер на Евровизија во текот на речиси целото гласање беше на врвот на табелата. По гласањето на стручните жирија заврши на второто место со 237 поени, зад Шведска со 239 бодови, но на крајот по пребројувањето на телевоутингот од публиката се пласираше на осмото место.